ఈ పండు తింటే ఎన్ని రోగాలు మాయమౌ తాయో మీకు తెలుసా?

ప్రకృతిలో సహజంగా లభించే పండ్లలో ఎన్నో విలువైన పోషకాలు దాగున్నాయి. ప్రతి పండు ఎన్నో పోషక విలువలను తో ఎంతో ప్రత్యేకతను కలిగి ఉంటుంది. ఎందుకంటే కొన్ని రకాల పండ్లు కాలానుగుణంగా లభిస్తూ ఉంటాయి. అందుకే అలాంటి పండ్లకి ఎంతో గిరాకు కూడా ఉంటుంది. ఈ విధంగా లభించే పండ్లలో ఎన్నో ఆరోగ్య రహస్యాలు కూడా దాగి ఉంటాయి. వాటిలో రోగనిరోధక శక్తిని పెంచే గుణాలు కూడా ఉంటాయి. వేసవికాలంలోనే లభించే తాటి ముంజెలు, అవి అందించే ప్రయోజనాల గురించి ఇప్పుడు తెలుసుకుందాం..

తాటి పండ్లు లేదా ముంజలు ఈ మాట వినగానే చాలా మందికి వాటిని తిన్న జ్ఞాపకం. మరికొంత మందికి వాటిపేరు వినగానే తినాలనిపించే అంత ఇష్టం. ఇంకొంత మందికి వాటి టేస్టును గురుతుకు రాగానే మనసులో ఒక తియ్యని అనుభూతి కలుగుతూ ఉంటుంది. ఇవి కేవలం వేసవిలో మాత్రమే దొరుకుతాయి. వేసవిలో దొరికే తాటి పండ్లు, తాటి ముంజెలు చాలా పోషకమైనవి. ఇవి ఆరోగ్యానికి ఎంతో మేలు చేస్తాయి. శరీరంలో ఉండే వేడిని తగ్గిస్తాయి. అలాగే, శరీరానికి కావాల్సిన పోషకాలను, మినరల్స్, ను అందించడంలో సహాయపడతాయి.

వీటిలో ఉండే పోషకాలు:

తాటి పండ్ల/ ముంజెలలో జింక్, పొటాషియం, ఐరన్, కాల్షియం, అధికంగా ఉంటాయి. ఇవి మన ఆరోగ్యానికి ఎంతో ఉపయోగపడతాయి. డీహైడ్రేషన్ సమస్య నుండి శరీరాన్ని కాపాడతాయి. పేగులకు సంబంధించిన సమస్యలను తగ్గిస్తాయి.

ఉపయోగాలు:

1. జీర్ణక్రియ సమస్యలను దూరం చేస్తాయి.

ఈ తాటి పండ్ల/ ముంజెలలో ఆంథోసైనిన్ల వంటి ఫైటోకెమికల్స్ ఉంటాయి. ఇవి కడుపు సంబంధ సమస్యలను తగ్గించడంలో సహాయపడతాయి. వీటివలన మలబద్ధకం, విరేచనాలు, లేదా అల్సర్లు వంటి సమస్యలు తగ్గుతాయి. అంతేకాదు వృద్ధుల ఆరోగ్య ని మెరుగుపరచడంలో కూడా ఉపయోగపడతాయి.

2. రక్తహీనతను తగ్గిస్తాయి.

ఈ పండ్లు రక్తహీనతను తగ్గించడంలో ఎంతో సహాయపడతాయి. వాటిలో ఉన్న ఐరన్ పోషకాలు శరీరంలో హిమోగ్లోబిన్ స్థాయిని పెంచుతాయి.

3. చర్మం మరియు జుట్టు ఆరోగ్యాన్ని కాపాడతాయి: వేసవిలో ముఖం పైన వచ్చే మొటిమలు, ఇతర చర్మ సంబంధ సమస్యలు రాకుండా నివారిస్తాయి.

వేసవికాలంలో తరుచుగా వచ్చే జలుబు నుండి చెమట కాయల వంటి సమస్యలను తగ్గించడం లో బాగా ఉపయోగ పడతాయి.

4. గుండె ఆరోగ్యాన్ని కాపాడతాయి : తాటి పండ్లు/ ముంజెలలో ఉన్న పోషకాలు, ముఖ్యంగా వాటిలో ఉండే పొటాషియం, రక్తపోటును అదుపులో ఉంచడంలో సహాయపడతాయి.అదేవిధంగా ఇవి చెడు కొలెస్ట్రాల్‌ను తగ్గించి, గుండె సంబంధ సమస్యలతో పోరాడడంలో సహాయపడతాయి.

5. రోగనిరోధక శక్తిని పెంచుతాయి: తాటి పండ్లు / ముంజెలు శరీరంలో రోగనిరోధక శక్తిని పెంచుతాయి. వీటిలో ఉండే 'C' విటమిన్, జింక్, మరియు ఇతర ఖనిజాలు శరీరానికి బలాన్ని అందించి, రోగ నిరోధక శక్తిని మెరుగుపరుస్తాయి.

6. పేగుల ఆరోగ్యాన్ని కాపాడతాయి: తాటి పండ్లు/ ముంజలను తినడం వలన పేగు పూత కూడా తగ్గుతుంది. వాటిలో ఉండే పోషకాలు పేగులకు ఆరోగ్యం ఇచ్చి, జీర్ణ వ్యవస్థను బలంగా ఉంచుతాయి.

7. మహిళల ఆరోగ్యానికి ఎంతో మేలు చేస్తాయి: తాటి పండ్లు/ ముంజలు పాలిచ్చే తల్లులకు మంచి పోషకాలను అందిస్తాయి. అందువల్ల శిశువు ఆరోగ్యం మెరుగుపడుతుంది. అలాగే, ఇవి మహిళల్లో వైట్ డీఛార్జ్ సమస్యను తగ్గించడంలో సహాయపడతాయి.

ఇతర ప్రయోజనాలు:
అందుకే, అంటారు మన పెద్దవారు ఏ కాలంలో దొరికే పండ్లను ఆ కాలంలో నే తింటూ, మన ఆరోగ్యాన్ని కాపాడుకోవాలని, కాబట్టి,
వేసవికాలంలో లభించే ఈతాటి పండ్లు / ముంజలు అన్ని వయస్సుల వారికి ఎంతో ఉపయోగకరంగా ఉంటాయి. వీటిలో ఉండే పోషకాలు, జీర్ణక్రియను మెరుగుపరచడమే కాకుండా, చర్మం, జుట్టు మరియు రక్తపోటు సంబంధ సమస్యలను కూడా పరిష్కరిస్తాయి. అందుకే, వేసవికాలంలో దొరికే ఈ తాటి ముంజెలను తినడం ద్వారా మన ఆరోగ్యాన్ని మెరుగుపరుచుకుని ఆనందంగా ఉండడానికి మీరు కూడా ఒకసారి ట్రై చేసి చూడండి.

Disclaimer: ఈ ఆర్టికల్ లో రాసిన సమాచారం కేవలం విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా కాదు. నిర్ధారణ లేదా ట్రీట్మెంట్ కు సంబంధించిన ప్రశ్నలు ఏవైనా ఉంటే మీ ఫ్యామిలీ డాక్టర్ ని లేదా సంబంధిత నిపుణులను అడిగి సలహా తీసుకోండి.

krupadevi-chintha-sr-content-producer

Images :

Tags :

karimangar

hyderabad

Ramesh

vyoma

vyomanews

vyoma digitals

vyoma business

Previous Post Next Post

Hot Categories

Districts

Popular Tag